राजस्व चुहावट नियन्त्रणको कार्यमा सहजीकरण र प्रभावकारिता ल्याउन यस कार्यालयले २०६९ सालदेखि कार्यालयको रुपमा कार्य सञ्चालन गर्दै आएको छ ।
राजस्व चुहावट हुन नदिन, नियन्त्रण र रोकथाम कार्यलाई प्रभावकारी बनाउन राजस्व चुहावट तथा विदेशी विनिमय अपचलन सम्बन्धी कसुरमा अनुसन्धान, तहकिकात र अभियोजन गर्ने कार्य यस कार्यालयले गर्ने गर्दछ ।
कार्यालयको कार्य क्षेत्र
-
भौगोलिक:- दोलखा, रामेछाप, सिन्धुली, धनुषा, महोत्तरी, सर्लाही, रौतहट, बारा, पर्सा, मकवानपुर, चितवन, रसुवा, धादिङ्ग, नुवाकोट, काभ्रेपलान्चोक र सिन्धुपलान्चोक गरी जम्मा १६ जिल्ला ।
-
कानूनी:- (क) राजस्व चुहावट (अनुसन्धान तथा नियन्त्रण) ऐन, २०५२ तथा नियमावली २०७०,
(ख) विदेशी विनिमय (नियमित गर्ने) ऐन, २०१९ र नियम २०२०
राजस्व चुहावटका क्षेत्रहरू
१. पैठारीतर्फ
-
मालवस्तु फरक पारी घोषणा गर्ने ,
-
न्यून बिजीकरण गरी मूल्य घोषणा गर्ने,
-
मालवस्तुको परिमाण फरक पारी घोषणा गर्ने ।
२. मुल्य अभिवृद्धि कर तर्फ
-
विजक जारी नगरी बिक्री गर्ने,
-
खरिद एवं आयातको स्रोत विना विजक जारी गर्ने,
-
न्युन विजकीकरण गर्ने,
-
खरिद खाता बिक्री खाता र मौज्दात भिडान नहुनु ।
३. अन्तःशुल्क तर्फ
-
नियमानुसार टाँस गर्नुपर्ने अन्तःशुल्क स्टिकर टाँस नगरी अन्तःशुल्क जन्य वस्तु विक्री गर्ने,
-
नक्कली अन्तःशुल्क स्टिकरको प्रयोग गर्ने,
-
कुल तौलमा अन्तःशुल्क लाग्ने मालबस्तुहरुमा खुद तौलका आधारमा अन्तःशुल्क दाखिला गर्ने ।
राजस्व चुहावट नियन्त्रणका लागि गरिएका रणनीतिहरू
-
चेतना फैलाउन गोष्ठी, सेमिनार, अन्तरक्रिया, कार्यशाला, सूचना प्रसारण, संस्थागत सुदृढीकरण, कार्यप्रणाली तथा कार्यविधिमा सुधार गर्ने ।
-
पूर्व सावधानी अपनाउने,
-
तथ्यमा आधारित भएर शंकास्पद कारोबार स्थल र नाकामा निगरानी,
-
अन्तर-निकाय सूचना आदानप्रदान र समन्वय, नियम कानुनको परिपालना,
-
गस्ती परिचालन तथा व्यावसायिक कारोबारको अनुगमन गर्ने ।
-
सूचना संकलन, विश्लेषण र राजस्व जोखिम तथा वित्तीय महत्त्वका आधारमा अनुसन्धान एवम् अभियोजन गर्ने,
-
राजस्व चुहावटमा संलग्नलाई कानुन बमोजिम अनुसन्धान गरी अदालतमा मुद्दा दायर गर्ने,
-
विदेशी विनिमय अपचलन नियन्त्रण गर्न अनुसन्धान तथा अभियोजन गर्ने ।
